කව්ද හරි පිරිමියා දයා-සිරි

   අම්මෝ බ්ලොග් .. එක පැත්තට ගොඩ බැස්සේ  සෑහෙන කාලෙකින් කස්ටියට කොහොමද ඉතින්.. සැපෙන් දුකෙන් සනීපෙන් කාලා බීලා  ඉන්නවනේ ... නිකන් නෙමෙයි අද ආවේ පොස්ටුවකුත් කරේ  තියන් තමයි අච්චාරු මලයා බ්ලොග් එකට ගොඩ බැස්සේ ආටක නාටක නැතුව කතාවට බහිමුකෝ...

                                  මේ සීන් එක සිද්ද වුනේ නුගේගොඩ ස්ටටේෂන් එකේ ,, මම  ඉතින් දවසක් ක්ලාස් එක ඉවර වෙලා ගෙදර යන්න කියලා හිතා ගෙන ටිකට් එකකුත් අරගෙන ඇතුලට ගිහින් ස්ටේෂන් එකේ බංකුවක් උඩ සිට්ඩවුන් වුනා,,එහා පැත්තේ වයස අවුරුදු 60ක විතර පොරක් සිට්ඩවුන් වෙලා හිටියා,,,ඔන්න එතකොට එතනට ඒ වයසේම වගේ පොරක් ගොඩ බැස්සා ,, මිනිහ නිකන් බිල් කිල්ටන් වගේ බැහැලා ...

           " ආ ... මිස්ටර් සිරි හව් ආර් යු ... ඇෆ්ට ලෝන් ටයිම්  "

                              "හෙලෝ  මචං දයා කොහොමද ගොඩ කාලෙකින් "

                                                    

                                                 ඔන්න ඔහොම තමයි දෙන්නම කතාවට බැස්සේ ,,,දෙන්නගේ කතාව කිරි වලට කුබී වහනවා වගේ නැගලා ගිය නිසා මමත් මගේ සවන් සවල් ගානට පළල් කරන් කතාව අහගෙන හිටියා ,,,

           සිරි -- මේ දවස්වල අපේ රටේ ආර්ථිකය හරි නෑ මචං අපි මේ රටට ගෙන්න ඕනේ සමාජවාදය ඒක  තමයි ලංකාවට ගැලපෙන්නේ,,,  අපි මේක දැන්ම හැදුවේ නැත්තම් මේ රට ගොඩ ගන්න බෑ ( සිරිසේන ආණ්ඩුවට කියූ දේ බොහෝය ඒවා  පැවසුවොත් මට ලගදීම සුදු වෑන් එකක දිග ට්‍රිප් එකක් යන්නට සිදුවේ )

           දයා -- එකනම් ඇත්ත මචන් උබ ඊයේ නිවුස්  වල  ********* ( නම මම බලදාරියා විසින් කපා හරින ලදී ) කිව්ව කතාව ඇහුවද .. මුන් මොනවද කියන්නේ කියල මුන්වත් දන්නේ නෑ..මුන්වගේ උන්ට ජන්දේ දුන්න උන්ටයි ගහන්න ඕනේ,,,,

           සිරි -- අයියෝ මචං මට ඊයේ නිවුස්  බලන්න  වුනේ  නැනේ මචං  අපේ වයිෆ්   ටෙලි නාට්ටියක් බැලුවනේ ,,,, 

 

           දයා -- මමනම් මචං ගැනිට සෙකන්ඩ් වෙන්න යන්නේ  නෑ අපි හම්බ කරලා අපේ සල්ලි වලින්නේ ඉන්නේ අපි මොකටද ඒ අයට  බය වෙන්නේ,,,  

                                                           කියානකොටම කොටම මිනිහගේ වයිෆ් කඩා පැනපිය එතනට " දයා මම මහරගමින් බැහැලා යාලුවෙක්ගෙ ගෙදර යනවා ඔය මේ බඩු ටිකත් අරගෙන ගෙදර යන්න ,, ආ .. ගිහින් මම එළියෙන් තියලා ආවා එළවලු ටිකක් ඒ ටිකත් කපලා තියන්න,, "  දයාගේ මුණ සෝදා පාලු වී ගියේය . සිරිටද කට කොනින් හිනාවක් ගියා ..  මට හිනා යන්න ගිහින් හිනාව නැවතුනේ සීනි කන්න කූබි පොර කනවා වගේ සෙනග තෙරපෙන කෝච්චිය ඈත එනවා දැකලා.. රිංගන්න බැරි කූබී ගුලකට රිංගනවා වගේ අමාරුවෙන් අස්සෙන් යන්තම් කෝච්චිය ඇතුලට ආවා ,,, ආවාම හිතුනා එළියේ හිටියනම් මිට වඩා හොදයි කියලා.. කොහොම හරි ඉතින් එදා අමාරුවෙන් ගෙදර ගියා.. ඔන්න තව දවසක් මම නුගේගොඩ ක්ලාස් ගිහින් ගෙදර එන්න කියලා හිතාගෙන ස්ටේෂන් එකට ගියා ,,,, එතකොටම

" යකෝ  කවද යකෝ අපේ අපේ මහින්ද මහත්තයට බැනපු එකා රත්තරන් හදවතක් තියන මිනිහා ඒ මහත්තයා නිසයි යකෝ අපි අද මෙහෙම පාරේ බැහැලා යන්නේ ...." 

                           ඔන්න ඔහොම මාර ගුණ වර්නනාවක්  කෑ ගගහා කියවනවා ඇහුනා මිනිස්සුත් වට වෙලා අහගෙන හිටියා මමත් ඉතින් ඔලුව දාලා බැලුවා ,,,, අෆ්ෆා මේ අර  එදා  ආණ්ඩුවට කුණුහරපෙන් බැනපු සිරියනේ ,, මිනිහා කනේ වැලි ගවෙන්න බීලා බිම වැටිලා ඔහේ කියවනවා ....   මට තනියෙන්ම හිනා ගියා මුන් ඔක්කොගෙම ඉතින් කටින් කයිවාරු  අර කොහෙන්ද මන්ද අච්චාරු තමයි .....

අනේ මන්ද අද පොස්ටුව හොදද කියලා ගොඩ කාලෙකින් පොස්ටුවක් දැම්මේ නැති  හින්දයි දැම්මේ අනික මේ සීන්  එක වෙච්ච  දවසෙම හිතුවා මේක බ්ලොග් එකේ කොටන්න ඕනේ කියලා ඒ නිසයි කෙටුවේ අලුත් පොස්ටුවකින් හම්බ වෙමු එසේනම් සැමට අච්චාරු සතියක් වේවා .....

සැ.යු  >>  සත්‍ය සිදුවීමකි ,,,